ලා පාට කහ ගැහුන පුර එලිය යටහිඳින
මලානික නෙත් කෙවෙනි දිලිසුනා සීරුවට
එක පෙළට දිව යනෙන දස දහස් ඇස් මනින
මද හාස උපහාස ලද බැලුම්ය ඉඟි පාන
රස නහර පිනවන්න නොවන එක අරමුණක
කුස පිරෙන පොඩි යමක් පොඩි වුනගෙ මුව රඳන
ඇස දකින නෙත පිනන පවුකාර ගිණි ගොඩක
මුස පත්ව නොව දෙන්නේ ඇඟමසක රස පහස
ප්‍රේමයද පසෙක ලා පපු තුරක රස බුදින
යාමයක නිදි වරව දෙතුන් විට ඉකිබිඳින
සම බවක් නොම දකින අමනුන්ගෙ හදවතක
එව බලව විකිනෙනා ගැහැණියගෙ අඟ පසඟ
No comments:
Post a Comment