හීන පොදි බැඳ මහ ගෙදර දුක බර දරන්

පේන හැම දේ විඳ නොවිඳ කරදර උර දරන්

පාන පොඩි සිනාවක ඇත දුකම දුක් තද කරන්

සීන කුමරෙකු එතීදැයි සිටී ඇය දැන් මග බලන්

සරුවට තිබුනු කෙස් කලඹද හීන් වෙලා

පිරුවට තිබූ සඳ වත දැන් අවරට හැරිලා

කරවට පබලු වෙනුවට සුරයක නූලක් එතිලා

හරහට හතේ කුජ ශනි ඇත දිගටම ඇලිලා

දින යක් නුඹට මලවිගෙ තරු පායනු නැතිද

පැනයක් නොවෙද උත්තරයක් ලඟ නැතිද

ගානක් නොගෙන සිටියද නුඹ කල පින් මදිද

එන බක් මහේවත් දීගෙක යන්නට බැරි වෙයිද