Friday, January 22, 2016
Saturday, January 16, 2016
ඉන්නට හිටින්නට නොම ඇති පාදඩ අයට
කන්නට පිනට නොසොල්වා අත පය ද කට
කරනට මුලා පොඩි ජන අන්දා ගොන් කමට
රටකට වින කටින මුත් ජය පසැසුම් ගී උන්ට
කන්නට පිනට නොසොල්වා අත පය ද කට
කරනට මුලා පොඩි ජන අන්දා ගොන් කමට
රටකට වින කටින මුත් ජය පසැසුම් ගී උන්ට
පහදා මුසා බස් රස කර බොරුවට මී පැණි තවරා
වෙනදා මෙන්ම එක පාටට වෙන වෙන දොස් පවරා
කවදා වත් නොදුන් දේවල් දෙන බව කීමුත් මෙවරා
හැමදා මෙන්ම මෙවරද පොඩි ජනයා කරඇත සේ ගවරා
වෙනදා මෙන්ම එක පාටට වෙන වෙන දොස් පවරා
කවදා වත් නොදුන් දේවල් දෙන බව කීමුත් මෙවරා
හැමදා මෙන්ම මෙවරද පොඩි ජනයා කරඇත සේ ගවරා
සහ මුලකින්ම උදුරා බිය සැක හොරකම වැනිදේ
මහ ඇදුරන් පොඩි නායක ගන සැම කී නොම කීදේ
දහ ජඩ දුරාවේ යන හැත්තට අපි නොම දුන්නට චන්දේ
පහ කර ලන්නේ දැන් උඹලම ගිලදැමු තනකොල මැතිඳේ
මහ ඇදුරන් පොඩි නායක ගන සැම කී නොම කීදේ
දහ ජඩ දුරාවේ යන හැත්තට අපි නොම දුන්නට චන්දේ
පහ කර ලන්නේ දැන් උඹලම ගිලදැමු තනකොල මැතිඳේ
ගජයා
යන්න හදන සිත රඳවා ගන්නටයලි වෙහෙසෙන්න එපා
ඉන්න හිතක් නැති ඔබෙ සිත ඔබ රවටා ගන්න එපා
දුන්න පෙමට කල ගනු දෙනු ගැන පසු තැවෙනු එපා
සින්න නොවුනු නුඹ ඇයිඅද මගෙ නම දින්නෙ දෙපා
ඉන්න හිතක් නැති ඔබෙ සිත ඔබ රවටා ගන්න එපා
දුන්න පෙමට කල ගනු දෙනු ගැන පසු තැවෙනු එපා
සින්න නොවුනු නුඹ ඇයිඅද මගෙ නම දින්නෙ දෙපා
කොයිතරම් හිත හදා ගත්තද නෙතට කඳුලක් උනයි
ඇතිතරම් දැන් සුසුම් ලෑවත් සිදුව දේ මට සිදු වුනයි
මෙරතරම් උස පෙම් කලා මා නුදුන් දේ මගෙ පනයි
මගෙතරම් නැති වෙන උනුසුමට කෙලෙස සිත යා වුනැයි
ඇතිතරම් දැන් සුසුම් ලෑවත් සිදුව දේ මට සිදු වුනයි
මෙරතරම් උස පෙම් කලා මා නුදුන් දේ මගෙ පනයි
මගෙතරම් නැති වෙන උනුසුමට කෙලෙස සිත යා වුනැයි
සඳ නැගේ තරු නැගේ අහස හරියට නුඹ වගෙයි
හද පෙලයි නෙතු රිදේ කඳුලු අතරින් නුඹ පෙනෙයි
අද ගියත් තවම හිත හිතන්නෙ ඒ නුඹ ගැනයි
පද හදා ගන්නෙපා වරද මා මිස නුඹ නොවෙයි
හද පෙලයි නෙතු රිදේ කඳුලු අතරින් නුඹ පෙනෙයි
අද ගියත් තවම හිත හිතන්නෙ ඒ නුඹ ගැනයි
පද හදා ගන්නෙපා වරද මා මිස නුඹ නොවෙයි
ගජයා
පෙර දවසෙ ගිය පාර මතකයක ඇත මගෙ හිරවෙලා
ඉර හැරෙන වෙලාවට මේ පාටමයි එක යායක් වෙලා
කර පොවා බලද්දි අතීතය දැන් ඇත නටඹුන් වෙලා
සර දමක් දෝ කොහෙද සොබා දම මාව වියපත් කලා
අවු රුදු විසි නවයකට වැඩි පෙර දින ඒ කාලේ
කවු රුද එබී හදවත පුරා සිත පිරිමැදි ලීලේ
සිවු රුමකට ගෙන හැම විට නුඹ ගැයු ඒ තාලේ
දෙවු රක සිටිමුත් නුඹ නොමැතිව තනිවම මෙමං තලේ
සය වසරක් ගෙවී ගොස් නොවැ නුඹ දෙව්ලොවට වෙලා
පය පැකිලෙන විටෙක නුඹ අත හැම දා වුනි සවිය වෙලා
ගිය දා පටන් ලී සැරයටියට මගෙ මතකය දී වාරු වෙලා
පය තැබු තැන් කොහි ඇතිද සෙව්වත් කල් ඉකුත් වෙලා
ගජයා
Friday, January 15, 2016
විසල් කලු ගලක් මෙනි ඇගෙ සිත මහරු
කමල් විල පිපි මෙනි පිරි මුව හස තඹුරු
නිමල් ලෙස කියු ඇගෙ තතු විමසනු කවුරු
පලල් දෙතොල් ඇගෙ මුවගට දෙයි රුසිරු
සවි කර ජීවිතය ගෙන යන්නට නිති සමබරව
අවි යක් කර නොගෙන සිටියද තනිකඩ හුරුව
කවි යක රැඳුන සිත ගෙන ආ මග මිට මොලව
දිවි යක සුවය සෙනෙහස නොලැබුනි ඈ පැතුව
කල් යත් යත්ම මී පැණි වුව මිහිරි නොවේ
සල් මල් ගස වුවද විටකදි සුවඳ නොවේ
සිල් ගත් සිත වුවද නොවිඳි නු ඇත අමර සුවේ
සල් ලිය ජීවිතය වූ විට හිත ගත ඉබේ දැවේ
සවියට නොම ඉන්න දිරියක් ඇති නොවුනු ගතේ
පලියට හැඬුම කඳුලට දිය ඉඩ නොහැකි නෙතේ
එලියට කලුවරට සඳ හිරු එකමයි මෙම දියතේ
කවියට ඔබේ පිසලයි නැගෙනා කඳුල නෙතේ
ගජයා
පාන් දර ඇහෙන නෝක්කාඩුව ලිප එක්ක
හීන් කෙඳිරිය කටක නිතර නුඹෙ මම දැක්ක
පාන් කාලට වඩේ බත් නැතුව ගිනි රැක්ක
කේන් තිය පහවුනේ මල්පැන් පොද එක්ක
මල් වැටුන ගුරු පාරෙ ඉස්සරම උඹ දැක්ක
කල් ඇතුවම අවුත් බලා සිට මග රැක්ක
සල් මලක සුවඳ දී දෙන සිනා පොද එක්ක
කල් යත්ම නුඹ කොහෙද ඒත් මම උඹ එක්ක
එදා වගෙ හැමදාම මම හිතන හීනයක
හදා ගනු බැරිනොවේ රිදවනා වැරදි එක
සදා කල් රැඳෙනු බැරි එකම එක හදවතක
බෙදා වෙන් නොවු එක ගෙදර තැන් දෙකක
ගජයා
තාත්තා නැති වෙච්චි
අම්මෙකුයි පොඩි කොල්ලෙකුයි
ඇවිත් හිටියා පෝලිමේ
කච්චේරියේ කලුතරට
මාත් එක්කම ඉස්සරාහින්
හිනැහුනා යන්තමට
පින් පඩි කොලේ හදා ගන්නම
අම්මෙකුයි පොඩි කොල්ලෙකුයි
ඇවිත් හිටියා පෝලිමේ
කච්චේරියේ කලුතරට
මාත් එක්කම ඉස්සරාහින්
හිනැහුනා යන්තමට
පින් පඩි කොලේ හදා ගන්නම
පඩි නැගලාම හෙම්බත්ව
මගෙ කනෙත් බේරුනා දාඩියම
වතුර බෝතලය පෙවුනාම
එකම එක උගුරක් හිටගෙනම
පොඩි එකා ගේ මුන කට
හිනැහුනා දුන් වතුරත් එක්කම
මගෙ කනෙත් බේරුනා දාඩියම
වතුර බෝතලය පෙවුනාම
එකම එක උගුරක් හිටගෙනම
පොඩි එකා ගේ මුන කට
හිනැහුනා දුන් වතුරත් එක්කම
දෙකෙන් පහලට යන්න ඊලඟට
බැංකුවට පහලින් ඉහලට
ආයෙමත් කඩ පොලට
පොටෝ කොපියක් ගන්නට
මග දිගට පොඩි එකා එල්ලිලා
අම්මත් එක්ක හති ද දා පස්සෙන්ම
බැංකුවට පහලින් ඉහලට
ආයෙමත් කඩ පොලට
පොටෝ කොපියක් ගන්නට
මග දිගට පොඩි එකා එල්ලිලා
අම්මත් එක්ක හති ද දා පස්සෙන්ම
මහත්තය දැන් යන්න
ඔය අම්මත් යන්න
හෙට අපේ සර් නෑ පදවි ප්රාප්තිය නිසා
පුලුවන්නම් එන්න කෝල් එකකුත් දෙන්න
අපිනං අනිවාර්යයෙන් එනව නියෝගය ඒක
ඒත් ඉතින් සර්ල හෙට නෑ ඉතිං මිස් ගේ හිනා කට
කොලඹ යනව නේ හිටං බෙරි උනා අම්මගෙ මූණ
ඔය අම්මත් යන්න
හෙට අපේ සර් නෑ පදවි ප්රාප්තිය නිසා
පුලුවන්නම් එන්න කෝල් එකකුත් දෙන්න
අපිනං අනිවාර්යයෙන් එනව නියෝගය ඒක
ඒත් ඉතින් සර්ල හෙට නෑ ඉතිං මිස් ගේ හිනා කට
කොලඹ යනව නේ හිටං බෙරි උනා අම්මගෙ මූණ
ගජයා
Wednesday, January 6, 2016
අහසක පිපුනු තරු මල විය නුඹ ගගන තලේ
පහසක විඳිනු කෙලෙසක දුර හදවතක් සැලේ
අකුලක පිපුනි නම් නුඹ මල ලෙස වන වදුලේ
කටුවක ඇනුන මුදු විඳිමි සුවඳ මෙ හැම වෙලේ
අමාවක දාක අහසේ පවතින ගන කලුව
සැබෑවක ඔබයි ගන හද අඳුරක් නිති මැකුව
කලාවක පුරන අව සඳ ලඟම උන් තනි තරුව
පමාවක වෙලා හෝ නුඹෙ රුව මා හද පෙලුව
අහසට උරුම දෙය අහසට හිමි ඇති හන්දා
පොලොවට උරුම කම් කීමට බැරි හන්දා
අහසට පොලොව වැඩි වැඩියෙන් දුර හින්දා
හදකට නොම දැනී මගෙ හිත ඉකි බින්ඳා
ගජයා
Tuesday, January 5, 2016
හිස සිට දෙපතුලට නොමැතිව අඳිනට ගොමස් කඩක්
කුස කට නොදෙන හරියන්නට තුන් වේලෙන් එකදු කටක්
දස අත බැලුව හොත් නොපෙනෙන මෙහි ඉමක් කොනක්
රැස කගෙ ජීවිතය ඇත්තේ විඳිමින් නෙක අපා දුකක්
හඳකට ගොසින් හෝ ගෙන සහලින් සිය ජනයාට
කටකට ලබා දෙන බව අන්ඳා පෙර කිව් මුසාවට
ඇට අට ගන්න හති වැටිලා තම කතිරය දුන්නාට
පිට රට හෙන පුපුරු ගෙඩි වැටුනා අපෙ කරුමයට
හෙට්ටු කරන් පොඩි මිනිහගේ හෙලනා රන් දහඩියට
තට්ටු මාරු ලෙස රට කරවන මේ ජඩ ගොන් රැලට
මට්ටු කරන්නට ඉපදුන රතු තරු මිටි දැකැති පෙලට
කට්ට ලෙවති තාමත් ගොලු බිහිරිව අඳබාලුන් ලෙසට
අපට පන්ති පහ කියවා නොව විසි තිස් වසරක්ම
රටට අන්ති මයි නැති කලෙ රට මෙන් වූ ජීවිතම
පිටට පෙන්වු මුල් තැන් ගත් ලොකු ලොකු වුන් පෙලම
රටට වින කරන ජඩජයන්ගේ උන් පර වහලුන් වීම
ගජයා
Monday, January 4, 2016
බලා සිටියදී කලුවට තිබු අහස දෙස
වලා යටින් දුටුවෙමි තරු කිනිති දෙස
හෙලා විලට වට ඉන් තරුවක් දිලුනු යස
නෙලා ගන්නෙ කෙලෙසක විලට බැස
ජීවන ගමනේ ගෙව් දින සති මාස ගනන්
පීදෙන කැකුලු තරු මල් සිය දහස් ගනන්
පෑදෙන විලට වට මේ තරු මලම අරන්
පාවෙන දෙහද ඉවසා සිටී දෝ දුකම දරන්
විලකට වැටී අහසක සිටි තරුවක් රැයක
කලකට පෙරදි ලද සුවයක් වන් නුබකුසැක
කෙලෙසට විඳිනු හැකි දෝ මේ සීතල විලක
තරුවට උරුම මෙය නම් වෙයි ඒ පෙර පවක
අහසට සඳට තරුවට අයිතිය වෙති කවුරු
විලකට වට දිය සීතල ගති ඇති එය නුහුරු
තරුවට අහස මෙන් සඳ වුවද අයිති කරු
කෙලසට කියනු මා තරුවට පෙම් කල අයුරු
ගජයා
Sunday, January 3, 2016
අසා දුකට පත් මිනිසුනගෙ නැති බැරිකම ගෙන පාන
පසා කරන ලය බොරු බේගල් වපුලා ගෙන ඇද බාන
දෙසා බාන වැදි බන නොයෙකුත් නෙක රූ පාටගෙන
මුසා බසට රැවටුන බව දන්නේ පසුවයි මේ අපේ දන
හිනා කට දමා නෙක විසිතුතුරු ඇඳුමෙන් සැරසීලා
මනා ලෙස මුසා බස ජන මන දෙවනත් කර ලීලා
දෙනා නොදෙන නෙක දෑ පා මුල දොරලඟ තියලා
මනා පයක් ලැබ නොලැබම මැති සබයට උන් පැනලා
රට කරවන නිති රැක වරනය සෙත සැදුමද නියම වුන
හෙට ගැන නොවෙද උන් සිත යෙදු මුදු එය නොම සිතන
කට මැත දෙඩුම මිස ජඩ වැඩ බොරු බස් හැමවිට දොඩන
මට අවසරය දෙනු මැන නීතියෙ කගපත මුන් හැම නසන
ගජයා
හද වත උපන් කවි සිතුවිල්ලකට
පද බැඳින අම රස එන විලසකට
මද හස නැඟෙන කාගෙත් මුවකටට
අද විරසකක් ඇයි එය වුනිද වරදකට
රස මුසු අරුතකට නොම කල වෙලාව්ක්
බස ඔබේ නොම දෙනු නැත මුලාවක්
පස මිතුරු ලෙස දකිනු ඇයි මෙය කලාවක්
පස සිය යුතු නොවෙද ඇය ගැන සැබෑවක්
හිත ගැන ඔබට මට කිව නොහැකිය කතාවක්
මත ගැටුමකට යා නොහැකිය එය දිගු කතාවක්
සිත ඔබ හැඳුනුයෙද පෙර ඇගෙ ඔබ කී වතාවක්
ඇත ඔබ නුහුරු ලෙස සිතනා වරදක බැඳි විලාසයක්
පැහැ සර අරුන දෙන සුව දවසක උදයේම
දැහැ නක සම වැදුන සිත පිබිදුනි තුන්යාම
නැහැ තවම ඔබගෙන් මගෙ සිත මිදිලා තවම
සැහැ සිව සිතන එක පෙර මගේ පව් කාර කම
ගජයා
දිව සලු පිලි රන් අභරන දෙනු කොහොමද
සුව යහනක සතපන්නට ඉඩකඩ කොයින්ද
මුව කමලට වත්සුනු සුව කෝම දෙන්ද
බවනක් වී අතු පැලෙ මගෙ නුඹ රැඳෙයිද
නිල් තරු මල් අහසෙ පිපුන රෑ මැදියමකට
හිල් අතරින් සඳ රැස් පිල් කඩ වැටි යහනට
මල් පුසුඹක් හීන් සැරේ අවුදින් වටකොට
සල් සපුමල් සුවඳ කුමට නුඹ මට නැතිකොට
දාන පබලු මල් ගෙතු වැල් ගෙල වටකොට
පේන දුරින් හිත කකියයි නුඹ අසලින් යනවිට
හීන හතක පෙනුනා මට හැර යන බව ගම රට
පාන හිනාවක් පමනද ඉතිරි කලේ නුඹ මා හට
ගජයා
Subscribe to:
Posts (Atom)