බලා සිටියදී කලුවට තිබු අහස දෙස
වලා යටින් දුටුවෙමි තරු කිනිති දෙස
හෙලා විලට වට ඉන් තරුවක් දිලුනු යස
නෙලා ගන්නෙ කෙලෙසක විලට බැස
ජීවන ගමනේ ගෙව් දින සති මාස ගනන්
පීදෙන කැකුලු තරු මල් සිය දහස් ගනන්
පෑදෙන විලට වට මේ තරු මලම අරන්
පාවෙන දෙහද ඉවසා සිටී දෝ දුකම දරන්
විලකට වැටී අහසක සිටි තරුවක් රැයක
කලකට පෙරදි ලද සුවයක් වන් නුබකුසැක
කෙලෙසට විඳිනු හැකි දෝ මේ සීතල විලක
තරුවට උරුම මෙය නම් වෙයි ඒ පෙර පවක
අහසට සඳට තරුවට අයිතිය වෙති කවුරු
විලකට වට දිය සීතල ගති ඇති එය නුහුරු
තරුවට අහස මෙන් සඳ වුවද අයිති කරු
කෙලසට කියනු මා තරුවට පෙම් කල අයුරු
ගජයා
